Tədbirdə restoran sahibləri, peşəkar somelyelər və media nümayəndələri olmaqla ümumilikdə 50-dən çox qonaq iştirak edib.
Təqdimat mərasimində Azərbaycanın Macarıstandakı səfiri Tahir Tağızadə və tədbir təşkilatçıları çıxış ediblər.
Daha sonra “SAVALAN – ASPI Winery” şirkəti ilə “Varros&Co. Kft.” distribütor şirkəti arasında müqavilə imzalanıb.
Tədbirdə enoloqumuz Daniel D’Andrea tərəfindən peşəkar dequstasiya da keçirilib.
Dequstasiya zamanı qonaqlar “SAVALAN” şərablarının dadına baxıblar, eləcə də onlara “Michelin” ulduzlu restoranların aşpazlarının hazırladığı yeməklər təqdim edilib. Tədbirin sonunda qonaqlar milli təamlardan, o cümlədən şah plovdan dada biliblər.